Historia do Colexio
O Colexio de Procuradores foi fundado en Ourense o 6 de marzo de 1899, e foi nomeado por primeira vez Decano-Presidente D. Constantino López Castro. Desde entón ata o de agora sucedéronse numerosos Procuradores neste cargo sendo de vital importancia para o desenvolvemento do actual Colexio de Procuradores a figura de D. Julio Vázquez Raimundez, e que estivo á fronte da Xunta de Goberno durante máis de vinte anos. Desde o seu cesamento ata decembro do ano 2023 ostentou o cargo do Decano-Presidente do Colexio D. Ricardo Garrido Rodríguez. Na actualidade a Decana-Presidenta é Dª. Ana María López Calvete. Hoxe en día constan colexiados como exercentes no Ilustre Colexio Provincial de Ourense 76 membros, 48 deles adscritos ao Partido Xudicial de Ourense, e os 28 restantes divididos no resto dos Partidos da Provincia: Bande, Barco de Valdeorras, Carballiño, Celanova, Poboa de Trives, Rivadavia, Verin e Xinzo de Limia.
Na actualidade dispón dunha oficina situada no novo Edificio Xudicial, onde se organizan as funcións que a Lei lle atribúe aos Procuradores como colaboradores da Administración de Xustiza (recepción de notificacións e demais resolucións xudiciais, traslado e presentación de documentos, Quenda de Oficio e Xustiza gratuíta….)
